DICIONARIO VISUAL (Curso 2012-2013)

Continuamos neste curso coa actividade do DICIONARIO VISUAL, que comezamos hai dous anos, e que xa vai pola letra C.

Mostrámosvos, a continuación, as palabras que se escolleron e que plasmaron de forma artística os nosos alumnos.

Comezamos polos máis pequechos, os alumnos de Educación Infantil...e o seu gusto polos animais...

...os obxectos da vida cotiá...

...e as partes do corpo...

Seguimos cos alumnos de Educación Primaria, que continúan amosándonos diversos animais...

...alimentos...

...plantas, flores e árbores...

...recipientes e utensilios presentes nas nosas cociñas...

...obxectos...

...e profesións...

Chegamos á Educación Secundaria, e aí atopámonos, de novo, con outras partes do corpo...

...con palabras que nos fan rir, caer e tremer...

...cos máis diversos animais...

...para rematar, tamén desta vez, con outras partes do corpo...

E, así, entramos na recta final, cos alumnos de Bacharelato e os seus meigallos...

...a flor do toxo...

...e cos alumnos de apoio, que "coroan" e dan por rematado o Dicionario Visual para este ano.

Verémonos no vindeiro curso..., onde o D nos está xa agardando!!! 
        

LETRAS GALEGAS 2013

CORRELINGUA 2013

Mañá, luns 13 de maio, alumnos de 4º da ESO e de 1º de Bacharelato participarán na actividade do Correlingua 2013, dentro das celebracións que se están a realizar no noso colexio ao londo deste mes co gallo da celebración das Letras Galegas.

O Correlingua é a denominación que adoptan de maneira común as diversas carreiras en prol do idioma que se convocan por toda Galicia. É unha proposta de carácter lúdico-educativo que pretende convidar á mocidade e aos centros de ensino a participar nun acto público de reivindicación do dereito a medrar en galego e tamén a exercer de maneira efectiva como galegos e galegas a través do uso do noso idioma, única forma de garantir o seu futuro.

DÍA DO LIBRO

CONCURSO DE CURTAMETRAXES "REC-CURTA"

BASES DO CONCURSO DE CURTAMETRAXES "REC-CURTA", organizado por Escolas Católicas de Galicia:

1. Poderán participar todos os alumnos e alumnas de ESO e Bacharelato de todos os colexios pertencentes a FEREGA-CECA.

2. Poderase presentar unha curtametraxe cunha duración máxima de 20 minutos (títulos de crédito inclusive) realizada durante o curso 2012/2013.

3. Haberá dúas categorías:

     - 1ª categoría: para 1º, 2º e 3º de ESO

     - 2ª categoría: para 4º de ESO e Bacharelato

4. As curtametraxes poderán ser orixinais ou adaptacións de filmes xa estreados. Só se admitirán a concurso curtas de ficción.

5. Cada centro poderá presentar un número máximo de 3 películas.

6. As curtametraxes a concurso deberán estar realizadas e subtituladas (se fose necesario) en lingua galega.

7. As películas deberán ser presentadas en CD ou DVD en formato MPEG.

8. Os filmes deberán entregarse ao responsable do departamento de Dinamización Lingüística do seu centro, para que os remita a FEREGA-CECA (Rúa Santa Clara, nº 23, Santiago de Compostela) antes do 10 de maio de 2013.

Acompañando a película irá un folio que inclúa a sinopse da película, o equipo técnico (actores, realizadores, música, etc.) e o colexio ao que pertencen. Este folio irá selado polo centro.

Xunto co anterior deberase achegar un documento asinado polo nai-pai-titor/a dos menores participantes nas películas, autorizando a utilizar a imaxe dos seus fillos/as nas películas presentadas.

9. Estableceranse os seguintes premios para cada unha das categorías:

     - Mellor actor

     - Mellor actriz

     - Mellor vestiario e maquillaxe

     - Mellores efectos especiais

     - Mellor música

     - Mellor guión

     - Mellor realización (dirección, montaxe, etc.)

     - Mellor película

Cada un deles será premiado con 100 euros, agás o de mellor película, que recibirá 150 euros e un trofeo ou diploma conmemorativo.

O xurado resérvase o dereito de poder deixar algún premio deserto.

10. O xurado do premio estará composto por profesores vinculados aos EDL dos centros concertados. A lista dos nomeados en cada categoría e a entrega dos premios terá lugar no mes de xuño.

11. A participación no concurso "Rec-Curta" supón a total aceptación destas bases.

 

19º PROGRAMA DE RADIO "AF/DC: A FUME DE CAROZO"

O martes, 26 de febreiro, teredes ocasión de escoitar o programa número 103 de "A FUME DE CAROZO" que, cada martes, de 5 a 6 da tarde, alumnos e profesores do Colexio Calasanz - PP. Escolapios da Coruña fan chegar ás vosas casas a través do 103.4 de CuacFM.

Nesta ocasión, serán alumnos de 6º de Educación Primaria, coordinados pola profesora Fabiola Pena, os que nos falen sobre a cidade de Ourense, acompañándonos con cancións galegas.

Lembrade que para escoitar este programa, que se emite todos os martes de 17:00 a 18:00 h., tedes varias posibilidades:

- No 103.4 da FM na comarca da Coruña.

- En directo por Internet, na web da emisora: cuacfm.org, e picar no botón "En directo".

- En diferido, podedes escoitar todos os nosos programas xa emitidos, na web www.blogoteca.com/adfcblog.
 

MARATÓN DE LECTURA "150º ANIVERSARIO DE CANTARES GALLEGOS"

O próximo venres, 22 de febreiro, terá lugar o xa para nós tradicional maratón de lectura. Este ano, unha vez máis, estará dedicado a Rosalía de Castro, posto que o próximo 17 de maio se celebra o 150º Aniversario da publicación dos seus Cantares Gallegos, a obra que inaugurou o rexurdir das letras galegas no século XIX.

O acto terá lugar na sede da Agrupación Cultural "Alexandre Bóveda", de 17:30 a 20:00 h., e nel participarán alumnos de ESO e Bacharelato do noso centro, que lerán ininterrompidamente composicións da autora.

18º PROGRAMA DE RADIO "AF/DC: A FUME DE CAROZO"

Mañá martes, 19 de febreiro, de 5 a 6 da tarde, poderedes escoitar un novo programa, o número 102, de "A FUME DE CAROZO", elaborado por profesores e alumnos do noso colexio.

Nesta ocasión, o programa estará conducido polas alumnas de 4ºA ESO, Patricia Díaz e Laura Docampo, que nos achegarán á figura do autor homenaxeado no Día das Letras Galegas deste ano 2013, Roberto Vidal Bolaño, contando coa colaboración dun fillo deste gran dramaturgo.
A música que nos acompañará coas voces de Amancio Prada, Fucoxabier, Luz Casal... estará dedicada a Rosalía de Castro.

Lembrade que para escoitar este programa, que se emite todos os martes de 17:00 a 18:00 h., tedes varias posibilidades:

- No 103.4 da FM na comarca da Coruña.

- En directo por Internet, na web da emisora: cuacfm.org, e picar no botón "En directo".

- En diferido, podedes escoitar todos os nosos programas xa emitidos, na web www.blogoteca.com/adfcblog.

17º PROGRAMA DE RADIO "AF/DC: A FUME DE CAROZO"

Como cada martes, de 17:00 a 18:00 h., o próximo 5 de febreiro poderedes escoitar un novo programa, o número 101, de "A FUME DE CAROZO", elaborado por profesores e alumnos do noso colexio.

Nesta ocasión, o programa estará conducido pola profesora Lucía Caridad e adicado á Educación Infantil, con fragmentos de audio gravados nas súas clases con adiviñas, cancións... E tamén contaremos coa presenza no estudio de varios alumnos e nais galegofalantes. 
A música que nos acompañará pertence a "Arrolos de salitre", un marabilloso disco de cancións de berce en galego editado hai xa uns anos.

Lembrade que para escoitar este programa, que se emite todos os martes de 17:00 a 18:00 h., tedes varias posibilidades:

- No 103.4 da FM na comarca da Coruña.

- En directo por Internet, na web da emisora: cuacfm.org, e picar no botón "En directo".

- En diferido, podedes escoitar todos os nosos programas xa emitidos, na web www.blogoteca.com/adfcblog.